CLICK HERE to get your own FREE hi5 BACKGROUND


a { color: #6FB0E2; font-weight: bold; text-decoration: none; } a:visited { color: #33595E; } a:hover { text-decoration: underline; color: #99C9FF; } h1 { margin: 0; color: #ffffff; font-size: 1.5em; text-transform: lowercase; } h1 a, h1 a:link, h1 a:visited { color: #ffffff; } h2, #comments h4 { font-size: 1em; margin: 2em 0 0 0; color: #99C9FF; background: transparent url(http://www.blogblog.com/snapshot_sable/bg-header1.gif) bottom right no-repeat; padding-bottom: 2px; } h3 { font-size: 1em; margin: 2em 0 0 0; background: transparent url(http://www.blogblog.com/snapshot_sable/bg-header1.gif) bottom right no-repeat; padding-bottom: 2px; } h4, h5 { font-size: 0.9em; text-transform: lowercase; letter-spacing: 2px; } h5 { color: #99C9FF; } h6 { font-size: 0.8em; text-transform: uppercase; letter-spacing: 2px; } p { margin: 0 0 1em 0; } img, form { border: 0; margin: 0; } /* -- layout -- */ #outer-wrapper { width: 700px; margin: 0 auto; text-align: left; font: normal normal 100% Helvetica, Arial, sans-serif; background: #99C9FF url(http://www.blogblog.com/snapshot_sable/bg-body.gif) 0 0 repeat-y; } #header-wrapper { background: #D8DADC url(http://www.blogblog.com/snapshot_sable/bg-headerdiv.gif) 0 0 repeat-y; } .descriptionwrapper { background: #fff url(http://www.blogblog.com/snapshot_sable/bg-sidebar3.gif) 1px 0 no-repeat; float: right; width: 264px; padding: 0 0 0 8px; margin: 1px 0 2px 0; } .description { border: 1px solid #62C1FC; background: #81CDFD url(http://www.blogblog.com/snapshot_sable/bg-profile3.gif); padding: 10px 0 10px 7px; margin: 4px 0 0 -6px; color: #33595E; font-weight: bold; } #header-inner { background: transparent url(http://www.blogblog.com/snapshot_sable/header-03.gif) bottom left no-repeat; } #main-wrapper { line-height: 1.4; float: left; padding: 10px 12px; border-top: solid 1px #fff; width: 428px; word-wrap: break-word; /* fix for long text breaking sidebar float in IE */ overflow: hidden; /* fix for long non-text content breaking IE sidebar float */ /* Tantek hack - http://www.tantek.com/CSS/Examples/boxmodelhack.html */ voice-family: "\"}\""; voice-family: inherit; width: 404px; } /* IE5 hack */ #main {} #sidebar { float:right; border-top: solid 1px #fff; padding: 4px 0 0 7px; background: #fff; width: 264px; word-wrap: break-word; /* fix for long text breaking sidebar float in IE */ overflow: hidden; /* fix for long non-text content breaking IE sidebar float */ } #footer { clear: both; background: #E9EAEB url(http://www.blogblog.com/snapshot_sable/bg-footer.gif) bottom left no-repeat; border-top: solid 1px #99C9FF; min-height: 15px; } /* -- header style -- */ #header h1 { padding: 12px 0 92px 4px; width: 557px; line-height: 1; } /* -- content area style -- */ #main { line-height: 1.4; } .post h3 { font-size: 1.2em; margin-bottom: 0; color: #32527A; } .post h3 a { color: #32527A; } .post { clear: both; margin-bottom: 4em; } .post-footer .post-author, .post-footer .post-timestamp { color: #99C9FF; } .uncustomized-post-template .post-author, .uncustomized-post-template .post-timestamp { float: left; margin-right: 4px; } .uncustomized-post-template .post-footer .comment-link { float: right; margin-left: 4px; } .post img { border: 1px solid #99C9FF; padding: 2px; background: #fff; } .deleted-comment { font-style:italic; color:gray; } .feed-links { clear: both; line-height: 2.5em; } #blog-pager-newer-link { float: left; } #blog-pager-older-link { float: right; } #blog-pager { text-align: center; } .comment-footer { margin-bottom: 10px; } /* -- sidebar style -- */ .sidebar .widget { margin: 1.3em 0 0.5em 0; } .sidebar h2 { font-size: 1.3em; } .sidebar dl { margin: 0 0 10px 0; } .sidebar ul { list-style: none; margin: 0; padding: 0; } .sidebar li { padding-bottom: 5px; line-height: 1 } .main .widget .clear { clear: both; } /* -- sidebar style -- */ #footer p { margin: 0; padding: 12px 8px; font-size: 0.9em; } .profile-textblock { margin-left: 0; clear: both; } .profile-img { float: left; margin: 0 10px 5px 0; border: 1px solid #99C9FF; padding: 4px; } /** Page structure tweaks for layout editor wireframe */ body#layout #header-wrapper { margin-top: 0; } body#layout #main-wrapper { padding:0; } -->
** لاإله إلا الله ... عدد الليالي والدهور. لا إله إلا الله ... عدد الأيام والشهور. لا إله إلا الله ... عدد أمواج البحور. لا إله إلا الله ... عدد الرياح في البراري والصخور. لا إله إلا الله ... من يومنا هذا إلى يوم ينفخ في الصور. لا إله إلا الله ... عدد القطر والمطر. لا إله إ لا الله... عدد الرمل والحجر. لا إله إلا الله ... عدد أوراق الشجر. لا إله إلا الله

الجمعة، ١٠ أكتوبر ٢٠٠٨

خمس ساعات فى القطر


كانت الساعه 4.5 الفجر والدنيا مضلمة شوية ...والجو هادى ॥ حاطه شنطة هدومى على ضهرى وبجرى اوقف تاكس ..."محطة القطر يا اسطى"
ونزلت من التاكس وجريت جوا المحطة اسال العساكر عن القطر اللى هركبه وبدور على رقم العربية ॥مكنتش شايفه قدامى اى حاجه غير اتجاهى فين
ركبت القطر وماسكة التذكرة بشوف رقم الكرسي فين ولاقيت هو اللى فوشي بالظبط ... واانا بشيل الشنطة من ضهرى لاقيت حد من ورا بيشلها وبيسالنى... "هحطهالك فوق"
دورت وشي لاقيت حد شيك اوى وشكله حلو ॥ شكله كدا مش حد عادى.... "ميرسي"
قعدت على الكرسي وانا كلى خجل منه ॥ وهو كان جمب الكرسي اللى جمبى وكان معاه واحد صاحبه

عدا الوقت ॥والموبايل بتاعه رن ... "الو ॥ايوه ॥انا سفرت اسوان لظروف॥اه جدتى اتوفت॥الله يخليك ॥لا لا॥انا فى القطر اهوه وهوصل كمان 5 ساعات ॥ماشي ان شاء الله॥حضر انت بس اللحن وجهزه ॥ماشى ॥محمد رسول الله"

لاقيت ودانى مع موبايله كانى انا اللى كنت بكلمه ومعاه على التليفون ॥بعد ماخلص المكالمة॥ لاحظت بطرف عينى انه باصصلى॥عملت نفسي مش واخده بالى॥وهاتك يارغى مع صاحبه اللى كان معاه
شوية والموبايل رن تانى ....وكرر نفس الكلام تانى بس بصوت اعلى॥ خلصت المكالمة ومش عارفه ليه لاقتنى عنيا جت فى عنية وفجاه لاقيته فى ابتسامة على وشه زى الاطفال بالظبط ... وطبعا عملت نفسي مش واخده بالى

عدت الساعات اللى كانها دقايق بتجرى... وطول الوقت اتصالات عليا من الوالدين للاطمئنان عليا وعلى القطر ... "مين جمبك"
بعد شوية روحت فى النوم॥ وسمعت صوت حلو اوى بس كانه همس افتكرته حلم لحد مافتحت عيني لاقيته صوته هو ॥
هو اللى بيدندن... انا قلت اكيد مش عادى ॥فنان
صوته شوية شويه بدا يعلى ويعلى ...حسيت انه بيقلى انه مغنى وصوته حلو كمان...لكن انا فضلت على موقفى عينى مش معاه لكن ودانى لازقة فيه وبحاول اسمع اى كلمة يقلها

مر الوقت॥ والراجل بتع العصير والسندويتشات جا ....."حاجه ساقعه॥ساندوشتات"
طلب هو ليه ولصاحبه ॥وبعدين لف راسه ليا وسالنى "تتفضلى يا انسة"
كنت هموت من التوتر والقلق॥ مش عارفها رد بذوق يتمادى هو فيها ولا ارد بقلة ذوق॥لا برضه دا محترم ومش وش كدا..."لا ميرسي"

حسيت انه فهم انى مش عايزاه يزودها فى الكلام ॥ ورجع يغنى تانى
وقربنا خلاص نوصل بس قبلها بساعه تقريبا ॥كنت قاعده هموت من الزهق وفايدي كتاب ممل جدا عن كيف تعرف شخصيتك॥قلت اعمل نفسي ببص من الناحية التانيه عشان اشوف احنا وصلنا لفين لاقيته فى سااااابع نومه هو وصاحبه
انا قلت فى سري فرصتى... جزمة متلمعه وساعه شيك موت ...فجاه لاقيت الراجل الصعيدي اللى جمبى وكان ناايم طول الوقت من اول ما ركبنا صحى من النوم وسالنى ..."احنا فيــيــــين يا أنسه"

وخلاص بدا القطر يبطا والناس تلم شنطها وتجبها وصحى هو من النوم وسالنى وصلنا ॥رديت وانا لسه هقوم واجيب الشنطه من فوق ...."أه وصلنا"
اتنفض هو من كرسيه وقام جابلى الشنطة ..."حمد الله على السلامة" وعنية فيها لمعه غريبة وابتسامه وراها حجات كتير॥لكن ماديتش الفرصه॥واخدت الشنطة ونزلت من القطر
وقربت اوصل لبوابة المحطة ولاقيته ورايا وبصييت لاقيت عنيه بتقلى اتمنى اوشوفك تانى ॥
ومشي من بوابة تانية... ومشيت انا كمان من بوابة تانية

الأربعاء، ٢٤ سبتمبر ٢٠٠٨

مفيش عنوان



يارب ارحم ريهام .... واعفو عنها ..... واغفر ليها

ونور قبرها ....وجعله روضة من رياض الجنه

وثبت اهلها ...واكرم جوزها .... وكل اللى يعرفها

هى وكل اموات المسلكين جميعا



اللهم اميـــــــــــــــــــــن


وصبرنى على فراقها

الثلاثاء، ١٥ أبريل ٢٠٠٨

الأحد، ٢٣ مارس ٢٠٠٨

يوميات فلحوسه-1-

الحلقة 1

بجد بشكر كل اللى بعتلوى ودعولى يارب يكرمكم ويخلي ايامكم كلها سعاده يارب
وصدقونى اانا الفتره اللى فاتت كنت مفتقداكم جداااا

الجديد بقى :
( يوميات فلحوسه )
انا فكرت فى فكره كدا يارب تعجبكو انه بدل ما تكون المواضيع بوستات تكون سمعيه
عشان يكون التواصل اكبر وكمان نتكلم عن مواضيع جديده وعن مشاكلنا بس بطريقه ساخره
عن طريق" فلحوسه" دى وهنعرفو اكتر عنها وعن صفاتها لما تسمعوها وهى فعلا فلحوسه عالاخر

يارب تعجبكو

الأربعاء، ٢٧ فبراير ٢٠٠٨

معلش والله الايام دى مشغوله اوى وعايزه
وبجد وحشتونى جدا يا كل اللى اللى شاركتونى فى المدونه دى
بس اكيد فى رجعه قريبه ان شاء الله
دعاوتكوووووووووووووووووووووووو...................

الجمعة، ١٥ فبراير ٢٠٠٨

غربتى هى مكانى


غربتى هى مكانى ***** هى سبب المى وحرمانى

نزيف مستمر من غير اللتئام **** مش لاقيه وصف ولا حتى الكلام

يوم بعد يوم بتتجدد **** نفس الاوجاع بتتردد

ماتتمناش لحد يكون مكانى **** احلامه ضايعه وتايهه الامانى

من بره شايفينى بتنفس **** والاهات جوايا بتغرز

مشتاقه لايد تطبطب وتهون **** جبال الغضب اللى بتتكون

ربى راضيه اعيش فى زمانى **** بس اسالك تغير مكانى

الثلاثاء، ١٢ فبراير ٢٠٠٨

happy valentine



حد قالى ان الفالانتين يوم الخميس ان شاء الله******


حبيت اهدي التصميم البسيط دا لكل حد نور المدونه


****ويارب كل ثانيه نكون فى حب وسلام****

الأربعاء، ١٦ يناير ٢٠٠٨

كم برميل بترول


امممممممم
اه
... انا بقول 100 الف بس
اه
يعنى منظلمش الست برضه عشان دول مثال للعدل وبيكرهو الظلم............
اه

الخميس، ٣ يناير ٢٠٠٨

غمضو عنيكو

انا غمضت عنيا وتخيلت شايفه ايه فى 2008 ??
لاقتنى شايفه واحد نصه كبير وشعره شايب ونصه التانى مبتسم وشاب وكله حماس

حاولو تغمضو عنيكو ....؟؟؟؟؟؟؟؟؟؟؟؟؟؟؟؟

الأربعاء، ٢٦ ديسمبر ٢٠٠٧

سنه رايحه.....سنه جايه



كل سنه وكل بنى ادم على الارض بخير وسعيد .... دا يعنى المفترض

واللى عايز يتجوز يتجوز واللى عايز يخلف يخلف واللى عايز يتخن يتخن واللى عايز يخس يخس

ويـــــــــــــــــــــــــــــــــــــــارب ... كل واحد يحقق حلمه اللى يتمناه


وسنه رايحه .... سنه جايه رررررر امضاء: 2008

الخميس، ٢٠ ديسمبر ٢٠٠٧

مسجد الشيخ زايد



الحقيقه انا اول ما شفت المسجد فعلا انبهرت بيه جداااا ....وقلت لازم بجد نفخر بيه وبالراجل صاحب المسجد دا
_________________________________


مسجد الشيخ زايد صرح إسلامي بارز في دولة الإمارات يعد ثالث أكبر مسجد في العالم وبتكلفة مليارين و167مليون درهم إماراتي






  • وأوضح (ارسيكا) بان قبة المسجد التي تزن ألف طن زخرفت من الداخل بالجبس المقوى بالألياف صممه فنانون مغاربة بزخارف نباتية فريدة صممت خصيصا للمسجد بالاضافة الى كتابة آيات قرانية ।


  • كما يصل عدد الأعمدة داخل قاعة الصلاة الرئيسية (24) عمودا تحمل الأسقف والقباب الضخمة وصممت بحيث يكون العمود الواحد مقسما إلى أربعة ركائز تحمل العقود الحاملة للقباب وتم تكسية هذه الأعمدة بالرخام الأبيض المطعم بالصدف بأشكال وردية ونباتية مما يجعلها تضفي جمالا ورونقا في القاعة ।


  • وقد احيطت الاروقة الخارجية للمسجد ببحيرات مائية تعكس واجهات المسجد مما يضيف إليه تميزا من الناحية التصميمية وارضياتها مكسوة بالرخام الأبيض مع استعمال رخام أخضر في الممرات التي تؤدي إلى الصحن كما روعي بان تكون أعمدة الأروقة الخارجية من الرخام الأبيض المطعم بالأحجار شبه الكريمة ويقوم بتثبيتها عمال مهرة استقدموا خصيصا من الهند بالإضافة إلى تاج الأعمدة والمصمم بشكل رأس نخلة من الألمنيوم المذهب।


  • وتعد الثريات المعدة للمسجد الاضخم عالميا من حيث الحجم ونوع المواد المستخدمة لها وتم التعاقد مع إحدى كبريات الشركات العالمية المتخصصة في صناعة الثريات وصناعة الكريستال حيث يبلغ عدد الثريات في المسجد سبع ثريات مختلفة الأحجام والألوان।






  • ويتم تصنيع السجادة حاليا بواسطة شركة سجاد إيران ويوجد في السجادة عدد (3) ميداليات قطر الميدالية الكبيرة منها حوالي 20مترا ملونة ب (25) لونا ।


ربنا يجزيك خير ويرحمك يا شيخ زايد


الأحد، ٩ ديسمبر ٢٠٠٧

امتى هنقاطع؟؟

دلوقتى للاسف بقت دى اغلب منتجاتنا
بل وبالعكس بقينا تجار كبار اوى فى المنتجات دى
امتى هنقاطع المنتجات دى
ونصحى الصبح مانلاقيهاش فى بيوتنا ولا بيوت غيرنا !!!

الثلاثاء، ٢٧ نوفمبر ٢٠٠٧

خواجه قديم

اول ما شفت الراجل دا حسيته مش غريب عليا
ومتهيالى مش غريب عليكو برضه
ودا لانه فكرنى بحالنا احنا العرب عامة
هتسالونى ازاى .....؟
ببساطه احنا شبهه جدا...من بره عاملين زى الخواجات لابسين برضه برنيطه واحطيين السيجار
وبنحاول نكون خواجات بس للاسف خواجات قدااام اوى
وعلينا تراب وحالتنا حاله
دا غير ااننا عواجيز الفرح
متهيالى انتو متفقين معايا !!! امتى نبقى احنا اصحاب الفرح

الجمعة، ١٦ نوفمبر ٢٠٠٧

حرية التعبير



متهيالى دا اللى بتنادى بيه كل الحكومات الديمووووقراتيه

(حرية التعبير)

بس السؤال بقه ॥

هل فعلا الشعب مش ساكت فعلا ولا ..........؟

الثلاثاء، ٦ نوفمبر ٢٠٠٧

ياشمسى ياشمس الغروب



جوايا بتامل سحرك .... ياشمسى ياشمس الغروب

لاخر نفس فيا هجيلك .... تهونى عليا كل الدروب

ياشمس الغروب

غيابك عنى امل مجروح .... وقربك منى مسك بيفوح

حنان حنينك دوا .... يطيب الجسد والروح

ياشمس الغروب

عشق الوانك ليكي .... تعشقها عينى وتسرح

والنخل تحتك يراضيكي .... ولهان بسهمك مجروح

ياشمس الغروب

نيلك يتروى بضيك .... مغزول بطيفك السارى

ماتحرميش عشاقك منك .... محروم اللى بحبك مش دارى

ياشمس الغروب

الجمعة، ٢ نوفمبر ٢٠٠٧

دى بنت مصريه

دى بنت مصريه .... ضفايرها محنيه
بعيونها العسليه .... وخدودها الورديه
دى بنت مصريه
تعرفها من طيبة قلبها .... وحنيتها اللى مفيش زيها
تتمناها ام لك وحبيبه .... وقت الدمع تلاقيها لك قريبه
دى بنت مصريه
ابتسامه بريئه تحليها .... وكلمة حلوه تبهيها
ياهناك ياللى ترضيها .... ويا ندمك ياللى تجافيها
دى بنت مصريه
نقطة ضعفها قلبها .... لو ملكته ملكتها
نظرة غضب تكسر نفسها .... وتزيدها هم على همها
دى بنت مصريه
عالرضا ربوها ابوها وامها .... دور عليها دى السعاده عندها
دى بنت مصريه

الثلاثاء، ٣٠ أكتوبر ٢٠٠٧

بختك ياعمنا



بختك ياعمنا ....مش شايل هموم قدنا
بختك ياعمنا
عصايه خشب ماسكها .... كانك ملك بلد حاكمها
جلابيه بيضه لابسها .... عارف كل تناياتها وخطوطها
بختك ياعمنا
عنيك شايفه نيل صافى .... وزرع اخضر للارض وافى
نسيم هوا عافى .... يطيب اى قلب جافى
بختك ياعمنا
لو قلتلك ادينى عصايتك .... احكم الافكار الشردانه
وادينى جلبيتك .... ابيض القلوب التعبانه
بختك ياعمنا
ابسط من الحياه عندك مفيش .... جبنه وقوطه ولقمة عيش
لاخايف من بكره لو مفيش .... لو نمت على حسيره وحشيش
وبختك ياعمنا



الجمعة، ٢٦ أكتوبر ٢٠٠٧

ماما نونا ماتت


فى خبر عن عالم نووى اتقتل...... والاخوان المسلمين رافعين قضايا على الوزراء والبرلميين واصحاب النفوذ بالتحقيق فى الموضوع دا
وبيطالبو ان لازم علمائنا المصريين يكونو عليهم حراسات مشدده
امال يعنى الوزراء والناس الجامده دى مين يحرسهم
انا بس ليا رد واحد عليهم بس
ماما نونا مـــــــــــــــــــــــــــــــــــــــــــــــــــــــــــــــــــــــــــاتت

الخميس، ٢٥ أكتوبر ٢٠٠٧

ونعم الانتماء


ونعم الانتماء


مش عارفه اذا كنتو سمعتو عن موضوع الفنان اللى مرفوعه عليه قضيه لانه اشترك فى فيلم كان بطولته واحد اسرائيلى


واتعرض الفيلم دا على قناة البى بى سى


مش عارفه اول ما سمعت الخبر ما اتخضيتش اوى

يمكمن لان دلوقتى باه اى حاجه متوقعه


ويمكن لان كلمة الانتماء بقيت دلوقتى مختصه بالفديو كليبات والفنانين


والانتماء الاكبر طباع هو الماده


عموما انا نفسى اقول اقل كلمة تتقال للفنان الرائع المبدع على راى اهلنا وحبايبنا الصعايده (جاك خـــــــــــــــــــابط) ونعم الانمتاء

حلم ولا حقيقه؟


سؤال محيرنى فعلا


هو فعلا فى سعاده للاحلام وسعاده للحقيقه؟

ولو فعلا السعاده دى موجود


ياترى احنا بنحب ايه اكتر او بنروح لايه اكتر؟


بالنسبالى عشان افدر احقق للى عايزه ولو ما حققتوش ف الحقيقه بحققه فى احلامى وبارادتى وصدقونى فى متعه وسعاده ولو مؤقته

الاثنين، ٢٢ أكتوبر ٢٠٠٧

وحشتونى


وحشتونى ...وحشتونى ....وحشتونـــــــــــــــــــــــــــى
.......
على راى الشاعره الكبيره ورده
..............
بجد والله افتقدتكم جدا وان شاء الله را جعالكم يا ولاد وبنات العم
وحشتنـــــــــــــــــــــــــــــــــــــــــــــــــــــــــــــــــتونى

السبت، ٨ سبتمبر ٢٠٠٧

تحليل للمخين النسائى والرجالى


لاتعليق

اسمعوها ومش هتندمو

صبركو عليا


موتو كبييركو صبركو عليا

السبت، ٢٥ أغسطس ٢٠٠٧

عايشه ليك




عايشه ليك وبيك وعشانك
عايشه برحمتك ومغفرتك وغفرانك

خلقتلى نور من نورك يحرسنى ويبعد عنى الاذى
خلقتلى كل النعم وما باقى عليا غير شكرك وحمدك

بحس بيك اوقات كتير ... واوقات تانيه تملكنى الغفله

بادعوك يانور ... تفوقنى وتصحى فيا الضمير
بادعوك يارحمن ... ترحمنى من نفسى وشرها
بادعوك يا كريم ... تكرمنى بالعطاء من غير مقابل
بادعوك يا رزاق ... ترزقنى الامل
بادعوك يا ملك ... تجعلنى مؤمنه مخلصه
بادعوك ياقريب ... تقربنى منك وتهدينى
بادعوك ياحنان ... تحن عليا وتقبلنى عندك
بادعوك ياخالق ... انك تمن عليا بتامل جمالك
بادعوك يابديع ... انك ماتحرمنيش من النظر لمعجزاتك

بترجاك ياقوى ياجبار انك تثبتنى وتقوينى
بترجالك ياصبور انك تصبر عليا وتهدينى

يـــارب رخص فى عنيا كل شيئ فيه غضب ليك
وغلى فى عنيا كل شيئ فيه رضا ليك

يــــــــــــــــــــــــــــارب
عايشه ليك وبيك وعشانك
عايشه برحمتك ومغفرتك وغفرانك

الخميس، ٢٣ أغسطس ٢٠٠٧

سلام يا صاحبتى


احاسيس كتيــــــــــــر جوايا فرح....حزن.....سعاده.....خوف
دلوقتى انا فى حالة وداع لاقرب ناس ليا وهى اكتر من اخت هى خلاص هتتجوز بعد كم يوم
ربنا يسعدها ويجعلها اسهد واحده فى الدنيا
انا انا حزينه لانها خلاص مش هتكون جمبى .... هتبعد بعيد اوى
اول مره احس الاحساس دا
دايما مش خايفه من بكره ॥
دايما عندى امل انه فى جديد جميل فى بكره ॥
لكن اول مره بخاف من رياح الاحزان اللى مستنيانى
ومستنيه تدق بابى بفارغ الصبر
بحاول اتكيف على فراقها من دلوقتى حلو التمثيل بس عايز محترف
والظاهر انى فاشله فى المجال دا
ياترى هقدر اتحمل بعدك عنى
كل اللى جوايا بيقول سلام يااغلى الناس
سلام يا صاحبيتى

الاثنين، ١٣ أغسطس ٢٠٠٧

Eman M: ست بيت شاطرة

Eman M: ست بيت شاطرة

فضفضـــــــــــــــــــــــــــــــه


اللى زهقان او تعبان او بيحب او بيكره او اى حد نفسه يقول حاجه اى حاجه
اكتب اللى فى قلبك جوا فضفضه

بجد وحشتونى كتــــــــــــــــــــــــــــــــــــــــــــــــــــير


وحشتونى جدا الفتره اللى فاتت
بس مش عارفه جاتلى حالة ملل كدا بس خلاص الحمد لله الى حد ما بدا يروح
عموما هى ظاهره متفشيه حلوه (متفشيه دى) المهم
انا رجعت تانى ويارب ارجع اكتب حاجات جديده تانى
بالمناسبه انا خلصت كتابة اول فيلم ليا
وان شاء الله هبقى اكتبه واعرضه بعون الله

الأحد، ١٧ يونيو ٢٠٠٧

قرب ياباشا


قرب ياباشا قرب يابيه .....خضاروفاكهه وكله تلاقيه
الخير كتير ومليان .....ةاللى يشترى هو الكسبان
***
كوسه ومنجى وتين ......وبتنجان مشكل يملى العين
عشانك ياست تاخديه ببلاش.....عيب دا احنا من غيرك مانستغناش
***
خيرك مغطينا ومكفينا .....بس انتى اطلبى وامرينا
وانت ياباشا دوق العنب.....مسكر وحلو وطعمه عجب
***
ادينى يا انت كل القفص.....ولا اقلك بلاش بيجبلى مغص
انا عايزمن دا بس الظاهر خلص.....اتصرفلى حالاوهاتلى قفص
***
ولا يهمك ياباشا ......الاقفاص كتير من غير عازه
انت ياواد انت وهو ......ارمى البايظ اللى جوه
***
ولا اقلكو خدوه وكلوه ..... وجوه بطونكو عبوه
عشان بس متقولوش محرومين....وعلى الجوع مجبورين
***
وقرب ياباشا قرب يابيه......خضار وفاكهه وكله تلاقيه

السبت، ٩ يونيو ٢٠٠٧

وحلوه يابلدى


وكلمه حلوه وكلمتين .....حلوه يا بلدى
والجاى احلى مرتين.....طول ما انت فبلدى
ياسلام عالتسامح والرضا.....والابتسامه مفيش احلى من كدا
وحلوه يابلدى
ولقمة العيش عالارصفه.....واللى مش عاجبه يتضرب عالقفا
جرب كدا وحرك لسانك.....هتلاقى واحد بضاببير قدامك
وحلوه يابلدى
والبت مش عايزه تتجوز.....حوش ياحواش
اعملها حجاب..... ولفهالها بشاش
وحلوه يابلدى
وشباب متلقح فى الشوارع.....طالما مفيش رقابه وايه المانع
قنوات وفضائيات هايفه ..... وبركاتك يا ام هايفا
وحلوه يابلدى
انت يامواطن حر فرايك اكيد.....طول ما انت عن اللى فوق بعيد
ومد لحافك على اد رقبتك ......تتقى شر اللى قاعد جمبك
وحلوه يابلدى

الثلاثاء، ٦ مارس ٢٠٠٧

هى وهو


هو :هى دى البنت اللى كنت بحلم بيها
هى :يارب يكون هو دا اللى من نصيبي
هو:انا هطلب اديها من ابوها

(هيغلط الغلطه الكبيره)
هو :عمى انا يسعدنى انى اطلب ايد بنتك
هى:وافق بقى يابابا دا واد لقطه ....طبعا فى سرها

(بعد الخطوبه خرجو وراحو مطعم)
هى :ابقى وقعتك سودا لو قلتى تشربى ايه ..وعلى وشها ضحكه زائفه
هو :الظاهر انى اتدبست.......حبيبتى تحبى تاكلى ايه؟؟
هى :اللى تاكله انت ياحبيبي

(وصل الاكل)
هو : اما اشوف هتعمل صوت وهى بتاكل ولا لا!ا
هى :خلى بالك انا مراقبه عينيك زايغه هنا ولا هنا !!!!!ا
هو :ها بقى ياحبيبتى قليلى ايه اللى نفسك فيه وانا اهحققه؟؟
هى :انا نفسى نعيش سعداء وعش العصفوره يكفينا ........طبعا العش دا من الماس
هو :انا مش مصدق انى قاعد مع اجمل بنت فى الكون .....بيثبتها
هى :حبيبى ايه اللى لفت نظرك ليا؟؟
هو :العربيه اللى كنتى ركباها...فى سره ...حبيبتى كل حاجه فيكى لفتت نظرى

اليوم التالى
هى :اما اشوف هيحبلى التورته منين؟؟
هو :انا كان مالى يارب بالورطه دى .انا هكلمها واقلها انى عندى مغص
هى :الو ..ايه ياحبيبي مجيتش ليه الناهرده .... ووشها مليان غيظ
هو :أاأاأصلى تعبت فجاه ....بيمثل
هى : وحياتك ما هعديها وهتعوضها...فى سرها .. لالا الف سلامه عليك خلاص اشوفك بكره الساعه 6 قدام السينما وسلام بقى لحسن بابا عايز التليفون ضرورى....وقفلت السكه
هو : يااارب السينما تولع بكره

تالت يوم
هى :الفيلم كان يججن بس ماكنش فى داعى لكل المصاريف دى كلها
هو :لا خالص انتى بس تامرى

ومر اسبوعين....الطامه الكبرى عيد الحب
هى : ياترى هيجبلى ايه يبقى يغلط بس ويجبلى دبدوب
طبعا قابلها واديه فاضيه
..
هى : كل سنه وانت طيب .. وعنيها بتتلفت على ايديه الاتنين
هو :وانتى طيبه واحنا دايما مع بعض ....ومتجاهل تماما
هى : امال فين الهديه؟؟
هو :هدية ايه وبتاع ايه بلا كلام فاضى ..يابنتى دى كلها بدع ابتدعوها الغرب وحنا مش لازم ناخد كل حاجه منهم كبيره وصغيره ..فين عروبتنا واصلنا .. وبعدين مش معنى اننا فى عصر العولمه اننا ناخد بدعهم ولا ايه يا حبيبتى؟؟
هى :أه أه..عندك حق....الظاهر علامات البخل بدات تبان
هو : عموما انا محضرلك اغنيه هغنيهالك
وغنالها ..انا كدا ومفيش غير كدا عاجبك عاجبك ومفيش حل تانى ..الخ الخ الخ

عملو الفرح وعدا شهر العسل..
هى :انت هتسبنى قاعده لواحدى؟؟
هو : امال يعنى عايزانى اقعد جمبك من غير شغل ولا مشغله

وبدا شهر البصل..
هى : امال فين كلامك اللى كنت بتقوله زمان
هو غنالها .. راااح راااح رااااااااح
هو :شيلى بقى المسئوليه شويه وبلاش الخيالات اللى انتى فيها دى ..وقال فى سره ..وحياتك لهطلع عليكى اللى عملتيه فيا من ساعة ما جيت اتقدمتلك

عدا شهرين
هو :ايييييييه!!!!مفيش ولا قميص مكوي ..وبصوت عالى جدااا
هى :مش كفايه سايبني طول اليوم هعمل ايه يعنى ولا ايه؟؟!!؟
هو : ماهو لو توشفى شغل البيت وترحمى ودانك شويه من التليفونات وام كريم وام زياد
هى : نعم ..نعم ...انت مقلتليش قبل ما تتجوزنى انك عايز شغاله؟؟!!!!!؟
هو :ياريتنى قلت....وبصوت واطى جدااا
هى :بتقول ايه سمعنى ......وبدات الخناقه تزيد جداااا

عدت سنه
هى :عايزه 800 جنيه
هو : ليـــــــــــــــــــــــه ...اتصدم
هى :خطوبة اخويا بعد شهر ولازم اشترى فستان محترم
هو :عندك فستان الخطوبه اللى جبتهولك روحى البسيه بدل ماهو مركون ..بطريقه مستفزه
هى : خلاص ابقى جبلى الفستان عند بيت ماما ...وسابتله البيت

عدا سبوعين
هو :ياسلااااام..البيت كانو جنه.انامكنتش حاسس بقيمة النعمه اللى كنت فيها زمان

عدا كمان اسبوع
هى :شايفه ياماما دا كانو ماصدق..بقى كدا هان عليه دا انا مكنتش مخلياه محتاج حاجه ..كنت ترجع من البيت تلاقينى قمررر..ولا شغل البيت ..عمرى ماقصرت معاه ...وانهمرت فى البكاء

بعد مرور شهر
هو : انا اسف ياحبيبتى انا خلاص اوعدك مش هزعلك تانى ..تعالى البيت دا من غيرك ضلمه
هو :عشان تبقى تعرف قيمتى.اهئ..اهئ..اهئ...دموع التماسيح

بعد يوم واحد بس من رجوعهم
الباب بدق وهو فتح
هو :ايوه..انا هو ..!!بس انا ماحجزتش شاليهات فى مارينا
هى : أه أه..نسيت اقلك ..ياحبيبى اصلى حجزت لاخويا وعروسته شاليه فى مارينا عشان شهر العسل بتاعهم...!!!.سسورى ..حجزنه على حسابك

هو :احجز يابنى كمان3 شهور باسمى
هى :ليه ياحبيبي احنا هنروح مارينا

هو :لا ياحبيبتى..انا حجزت ليا انا وعروستى الجديده

السبت، ٣ مارس ٢٠٠٧

التحدث مع الذات



التحدث مع الذات
بقلم د. إبراهيم الفقي
كطبيعة البشر نحن كثيراً ما نتحدث إلى أنفسنا و نتوقع السلبيات، و إن أكثر من 80% من الذي نقوله لأنفسنا يكون سلبياً و يعمل ضد مصلحتنا، و إن القلق يتسبب في أكثر من 75% من الأمراض بما في ذلك ضغط الدم و القرحة و النوبات القلبية، فلا بد من جعل هذا التحدث يعمل لمصلحتنا بدل أن يعمل ضدنا.
هناك خمسة مصادر للتحدث مع الذات أو البرمجة الذاتية:
الوالدان، المدرسة، الأصدقاء، الإعلام و أنت نفسك؛ إن للبرمجة الذاتية و التحدث مع النفس أن تجعل منك إنسانا سعيداً ناجحاً يحقق أحلامه أو تعيساً وحيداً يائساً من الحياة.
ولحسن الحظ فإن أي شخص في استطاعته التصرف تجاه التحدث مع الذات الذي يتسبب في البرمجة الذاتية، وفي استطاعتنا تغير البرمجة السلبية لإحلال برمجة أخرى جديدة إيجابية تزودنا بالقوة. وكيف يكون ذلك؟
يكون ذلك بأن نتحكم في أفكارنا و عقولنا و رغباتنا، إن أفكارك تحت سيطرتك أنت وحدك و من الممكن ببساطة توجيه التحدث مع الذات إلى الإتجاه السليم مما يحوّل حياتك إلى تجارب مليئة بالنجاح و السعادة
.
و الآن إليك هذه الخطة حتى يكون تحدثك مع الذات ذو قوة إيجابية:
دون على الأقل خمسة رسائل ذاتية سلبية كان لها تأثيراً عليك
دون خمسة رسائل ذاتية إيجابية تعطيك قوة
دون رسالتك الايجابية في مفكرة صغيرة واحتفظ بها معك دائماً
خذ نفساً عميقا ًو اقرأ الرسائل واحدة تلو الأخرى إلى أن تستوعبها جيداً
إبدأ مرة أخرى بأول رسالة وخذ نفساً عميقاً. اقرأها عشر مرات بإحساس قوي و أغمض عينيك و تخيل نفسك بشكلك الجديد ثم افتح عينيك.
ابتداء من اليوم، إحذر مما تقول لنفسك و احذر مما تقوله للآخرين و احذر مما يقوله الآخرون لك.
عليك أن تثق فيما تقول، و أن تكرر دائماً لنفسك الرسائل الإيجابية، فأنت سيد عقلك و قبطان سفينتك.... أنت تتحكم بحياتك و تستطيع تحويل حياتك إلى تجربة من السعادة و الصحة و النجاح بلا حدود
.

الجمعة، ٢ مارس ٢٠٠٧

سكر زياده


سكر زياده
اعملى كوباية شاى والسكر زياده##### احسن حال الدنيا بقى ممرر زياده
قالو لنا زمان النجاح ييجى بالاراده##### وادينا كبرنا واخدنا الشهاده
يوم وراي يوم والعقل بيزيد بلاده##### والناس بتجرى وتزيد بزياده
شوف معايا الناس فى منهم اخر بساطه #####وناس تانيه عايشه عالبلاطه
لو جدع حاول تسرق حتة سكر###### هييجى اللى يخلى المزاج معكر
لف ودور هنا وهناك##### وحط فى جيبك سكر معاك
امك تدعيلك روح اللـــــهى يحلى ايامك##### دعوه تطمنك وتريح بالك
نرجع ونقول الصبر برضه عباده #####واعملى كوباية شاى والسكر زياده

الثلاثاء، ٢٧ فبراير ٢٠٠٧

حبه...تهيييس


من كام يوم كدا كنت زهقانه جدا
فقلت اسلى نفسى وافتح ال(تى فى) وانا بقلب لقيت فيلم اجنبى
طفيت النور وخليت الجو كله هدوء
بدا اتابع الفيلم واندمجت معاه جدااااااا
اانا هحكيلكو قصة الفيلم بس بطريقتى
كنت عارفه انك حبتها#### كنت عارفه انك حستها
سؤالك عنها ولهفتك #### لما تقعد وتكلمك
نظرة عنيك وصوتك #### لما تكلمها وتردلك
كنت اكون بينكم#### والاقى شوقكم مفضوح
كنت بحاول ابعدكم#### وانا بينكم طير مجروح
المفروض انك حبيبى####وانك ليا انا
لكن شيئ غير طريقك####وبقت هى مش انا
متهيالى عرفتو دا فيلم ايه
لجوليا روبرتس my best friend widding

حبه ...علوم


دلوقتى فى علوم جديده
زى (البرمجه اللغويه العصبيه) وكمان(الحريه النفسيه) كمان(خط الزمن) وعلوم تانيه حديثه
العلوم دى هدفها تطوير الانسان للافضل فى سلكوياته وتصرفاته حتى فى افكاره
الحقيقه انا قريت كتير اوى عنها
ولاقيت نفسى فيها فعلا وكمان طبقت حبة تجارب على نفسى ونجحت
متهيالى فى كتير اوى مننا ميعرفش العلوم دى بتتكلم عن ايه
عشان كدا انا هتفضل وهتعطف وهكرم واديكو مواقع لشرح كل العلوم دى بالتفصيل
وطبعا لان وقتى ميسمحليش انى اقول كل حاجه زى ما انتو عارفين
انا مش عارفه بقيت اتكلم كتير ليه
المهم هما دول المواقع
دا للدكتور النعيمى دكتور فى علوم البرمجه اللغويه العصبيه
و
دعواتكو بقى بس خلو بالكو من دماغكو .... ههههههههههههه

حبه ...خواطر


غير فكرك
غير فكرك القديم ##### اللى بيعانى وحزين
مش عشان قصه او اتنين ##### تنتهى الدنيا فى يومين
مش عشان حظك ماصبش ##### يبقى كلهم من غير وش
الدنيا مليانه الوان ##### بس تختاره باوان
ياصديق الحزن مايدوم ##### والقلب يقتله كتر الهموم
ماتحكمش من اول مره ##### والا قلبك هيطلع لبره
خليه يروح لانسان تانى ##### مايكونش قاسى وانانى
وغير فكرك

** اللهم احسن ختامنا .. وخفف عنا سكرات الموت .. وشفع فينا سيدنا رسول الله وتقبل شفاعته با أرحم الراحمين ويا أكرم الأكرمين --------اللهم لا تجعل مصيبتنا فى ديننا ..ولا تجعل الدنيا اكبر همنا ولا مبلغ علمنا ..ولا تسلط علينا بذنوبنا من لا يخافك ولا يرحمنا..

ذكر

لا اله الا انت سبحانك انى كنت من الظالمين