اول ما شفت الراجل دا حسيته مش غريب علياومتهيالى مش غريب عليكو برضه
ودا لانه فكرنى بحالنا احنا العرب عامة
هتسالونى ازاى .....؟
ببساطه احنا شبهه جدا...من بره عاملين زى الخواجات لابسين برضه برنيطه واحطيين السيجار
وبنحاول نكون خواجات بس للاسف خواجات قدااام اوى
وعلينا تراب وحالتنا حاله
دا غير ااننا عواجيز الفرح
متهيالى انتو متفقين معايا !!! امتى نبقى احنا اصحاب الفرح
هناك ٦٩ تعليقًا:
السلام عليكم ازيك يا استاذة ايمان احنا اصلا مش حصلنا عواجيز الفرح لان عواجيز الفرح بيكون ليهم قيمة شوية عننا بجد يعنى الصورة اللى انتى حاططاها تحسسى فيها بقيمة شوية احنا من الاخر اللى بنخدم على المعازيم
نحن غثاء كغثاء السيل ... كراكيب باليه يستنكف حتى المتحف ان توضع فيه....
اما متى .. ؟؟
حين تكون هناك حرية ويكون هناك عقل...
دمت بكل ود
احنا محلصناش عواجيز الفرح احنا على راى راديو وتليفزيون العرب شاهد المباره وكانك فى الملعب واحنا حتى دور المتفرجين مش بنعرف نعمله لانى للاسف مالناش صوت
eshtat
هههههههههههههههههه بجدعجبني اوي تعبير نو تشانس انا كتبتها عربي علشان الكيبورد معلق عندي المهم سكر اوي كلمة احنا اللي بنخدم علي المعازيم مش بتريق والله بس انت حسستني بقمة التدني بان احنا في القاع تب ليه وليه يا ايمي عواجيز الفرح بصي انا مؤمنه جدا ان احنا اقوي وازكي من في العالم احنا جوانا طاقه وافكار يا ايمي مهوله جباره بجد بس احنا تايهين شويه بس لو عرفنا طريقنا بجد هنوصل وعندك علي كده دليلين مش واحد بس الاولاني اول ما قولنا يا حرب في 73 انتصرنا والتاني ان هما الغرب اتقدموا مش علشان هما واو لا علشان اخدوا تعاليمنا الاسلاميه ومشيو عليها خلصت والدليل علي كده ايه اللي يخليهم يحاربونا ويقتلوا اطفالنا علشان خايفين مننا خايفين نلاقي طريقنا احنا من كتر ما بنتهد تهنا شويه بس انا واسقه اننا هنلاقي طريقنا بس خلاص كفايه كده تعبت
سلام يا قمر ونو تشانس اوعي تفتكر اني بتريق لا والله بس بجد فعلا التعبير عجبني مش قولتلك يا ايمي ياقمر دايما بتنكشينا
ههههههه
لا بجد تشبيه جامد
انا مش متفق معاكى فى كل الكلام
لاننا صحيح بنقلد الغرب
بس شكلا من بره بس يعنى لبس او موضه او اى مظاهر
مش شرط بقا قديم ولا جديد
تحياتى
علاء
الحقيقة بقا أنا أول ماشوفته قولت هو خوفو طلع من قبره امتي؟؟؟
وحسيت كمان انه يهودي ماعرفش ليه
بالنسبة للموضوع بقا مشكلتنا ان احنا مش عارفين نفسنا كويس مش عارفين نوصل لحقيقة شخصياتنا ايه بالظبط ايه اللي بنحبه وايه اللي بنكرهه عايشين عيشة تقليد في تقليد
ودي أريح عيشة الانسان مابيحتاجش يفكر فيها في أي حاجة
ربنا يسترها بقا ونبقي في يوم أصحاب الفرح
بوست رائع بجد
ده من قله الدين والتهييس اللى بقينا عايشين فيه
والتامرك والتطبيع والتخلف وووووووو
والله الواحد من كتر مازهق بقى حاسس ان ردوده بقت حمضانه
تعرفي لاعارفين لانكون العواجيز ولا المتفرجين ولا حتى العروسة والعريس احنا خارج الفرح من اساسه
no chance
---------
ههههه حلوه اوى حكاية معازيم الفرح دول
اشكرك جدا ودايما منورنى
osama
------
كلامك حلو
تحياتى ومستنيه بوستاتك الحلوه كمان
رئيس جمهورية نفسى
----------------
حلو اوى كمان تشبيه المباره دى
اشكرك جدا ومنورنى دايما بتعليقاتك الجميله
eshtat
--------
متبقيش انتى لو مقلتيش كدا
نفسسسسسى يكون عندنا كلنا النور اللى انتى شايفاه صدقينى كنا هنرتاح كتير
تعليقك بجد عجبنى وحسسنى ان عندك وعى وامل فى بكره
ربنا يوفقك يارب
عايش ولكن
----------
انا كان قصدى باللبس من بره القديم هو التكنولوجيا وكل حاجه متقدمه احنا بناخدها منهم بتكون خلاص عمرها الافتراضى انتهى
اتمنالك التوفيق ونلبس لبس جديد كلنا يارب
fanan fa2eer
--------------
اشكرك جدا وهو كمان مابعدش عن خوخو كتير
واتمنى نكون فى يوم فعلا اصحاب الفرح ونفوق من التوهان اللى احنا فيه
عاشقة الفردوس
--------------
اشكرك جدا ياجميل وانتى اول مره تنورينى
وعايزه اقلك اللى احنا فيه دا نتيجة كل اللى انتى قلتيه
ربنا معانا
تحياتى
true love
--------
امال امتى هندخل الفرح بس؟؟؟؟؟؟؟؟؟
تحياتى ليك وشرفتنى فى المدونه
الله عليكى يا ايمى
جميل اوى اوى
بس تعرفى انا فكرانى بحاجة كمان
انا لما كنت بشوف كتالوجات الشركة الاجنبية اللى شغال فيها فيها صور فى اوائل القرن اللى فات كانو بيبقو عاملين كدة
الشركة دى دلوقت ماشاء الله واحدة من اكبر الشركات فى العالم فى تصنيبع الالات المعملية الدقيقة
وعرفت اد ايه الناس دى ما كنتش بتهتم بالمظهر وانهم كانو مجتهدين اوى
واحننا للاسف بنهتم بس بالمظهر وعشان كدة شوفى الفرق بين اقتصادنا واقتصادهم
بوست بجد جميل اوى
وربنا ما يحرمنا منك
تحياتى
ahmed al -sabbagh
-----------------
انا والله مش عارفه اقول ايه احرجتنى بكلامك دا
عموما فعلا زى ما بتقول اننا بنهتم بالمظاهر بس
يار نهتم بالاهم من كدا
منورنى دايمااا
هنكون أصحاب الفرح لما تكون أفرحنا على السنة
ما هو أصل فى القرآن والسنة طريق الجنة
أحبك فى الله
ايمان مدونتك جميلة
وعنك حق حتى الفرح فينا مبقلهوش طعم بس يا ريت نقدر نقف على رجلينا تاني ونضحك من قلوبنا
اشكرك على زيارتى واتمنى الدوام
سعدت جدا بحظي الجميل في عثوري على جوهرتك التدوينية
فعلا كل مدونتك جواهر ملضومة في عقد لولي
لم أتمالك نفسي في قراءة معظم تدويناتك
ولن أتخاذل في اضافة رابط مدونتك لدي
شكرا لقلمك الرقيق النابض
بعد السلام
تصدقى احنا
عجزنا خلاص
ما هو الواحد بعد
العشرين ...
ولا بلاش
تحياتى
همممممممم
والله هو منطق برضه
بس تصدقي ان الراجل ده شبهي قوي
نفس وسامتي ونظرتي اللاوذعيه اللي بتدوب بنات وتسحرهم وتخليهم يفكرو في دايما .. في كوابيسهم
سلاموووووووووووز
ماهو طالما بنقلد مش بنبتكر ومادام بنستخدم مش بنخترع ومادام بنكرر مش بنألف يبقى هانفضل زي الحاج ده من غير هويه لا تعرفي تحددي مينين ده ولا اصله ايه
طلب بره الموضوع
بلاش ال
word verification
بصراحه ممل جدا
ايمان الراجل ده بيفكرني بالناس المجانين اللي بيمشوا علي كورنيش اسكندريه في الصيف ولابسين بلاطي صوف
أمــ الله ــة
-------------
وانا كمان والله بحبك فى الله
وفعلا لو مشينا على منهج ربنا مكوناشش وصلناا للحال دا
MKSARAT SAYED SAAD
---------------------
كلمه مهمه اوى انت قلتها ياريت نتضك من قلوبنا
نورتنى
slamo 3liko
hahahahahahaha
post gamil w mo3aber gedan
w alsora gnan
ta7iaty
مش هنبقى أصحاب الفرح طول ما أحنا عندنا عقدة الخواجه
ياريت نحس بنفسنا شويه ونحاول منكونش حد غيرنا
عرب من جوه وعرب من بره ونشغل دماغنا بقى وكفايه كده
لوسمحتى يا ايمان بلاش ال word varification دى
بتخلينى أعيد الكومنت كتير اوى
الجحيم هو الحقيقه
----------------
اشكرك جدا ونورت المدونه
3ala asm masr
-------------
ياريت والله وايدى على كتفك
ومن عنيا الاتنين انتى تامرى انا شلت
word varification خالص
حبيبتى منمونة الراجل ده بيعبر عن حالة كلنا عايزين نوصل لاننا اساسا لسه مش عارفين نوصل للحالة دى
كل واحد يقولك انا احط لسانى جوه بؤى اكرم لى لحد ما بقينا فوقنا اكوام من التراب وعشش من العنكبوت
دامت رؤيتك يا منمون
بصراحة صورة تحفة تحفة يعنى
اولا تقبلينى كزائر دائم لمدونتك
ثانياً الصورة بجد معبرة بس كان المفروض انه يبقى مكسح و مشلول و عنده البرص و السل و كل الامراض لان ده حال الامم العربية
كحكومات و ليس كشعب
اختيار موفق للصورة
جعلك الله صوتاً للحق
بارك الله فيكى
الله الله يا انسة ايمان
بقينا بنتكلم فى السياسة
يا اخت ايمان انت انسانة مثقفة وعارفة ان الاولاد اللى بيتكلموا فى السياسة دول وراهم ناس تانيين بيحركوهم
ودول بيعملوا ضد مصلحة البلد واستقراره
اتمنى انك توزنى الكلام ده وتوافقى تشتغلى معانا
وكله علشان مصر
حقيقى
اكثر ما قد تبتلى به الشعوب غياب الهوية
احنا مننا شعوب لا احنا راسماليين ولا اشتراكسسن ولا شيوعيين ولا اى حاجة
احنا عاملين زى خلطة كنتاكى السرية
مفيش حد عارف لها شكل ولا تكوين
والمشكلة ان الغرب كل ما يقول يمين نلاقى اللى بيقولوا يمين
يقول الغرب شمال هم هم يقولوا شمال
واهى دنيا وعايشينها وخلاص
ولحد ما نعرف احنا مين بالضبط هنفضل فى التوهان ده
واحنا وشطارتنا
تحياتى على الفكرة
والسلام
عاوجيز وفرح!!! أنا شايف ميتم
دا من نتيجة الهتافات والمدح وحكاية حضارة 7000 سنة ..من كتر ما لسة بنتكلم عن الماضى بيقنا شبه الخواجة ..اللى مش عارف يبقى خواجة ومش عارف يبقى نفسه
Desert cat
-------------
على رايك فعلا محدش عارف هنفضل حاطيين لسانا جوا بقنا لامتى
اشكرك ياقمر
NIDAAL PAL ...
------------
هههههههههه تعليقك على اد ماهو ييبكي بس يضح فعلا
واكيد اهلا بيك فى اى وقت فى المدونه
ومنور
ابو سويلم
--------
اشكرك على تعليقك
بس مش عارفه ليه الناس بتتخض اول ما الواحد بيتكلم فى السياسه
ومش عشان الواحد يكون بيحب البلد يبقى ما ينتقدش الحاجات اللى نفسه تكون مش موجوده فى بلده بالعكس تماما
وانا زى اى واحده فعلا قلبها على بلدها ومش ورايا حد بيقومنى او بيحرضنى نهائيا وانا مش بس بنتقد حال البلد انا كمان بنتقد اى حالنا وحال الناس عموما اجتماعيا واخلاثيا ودينيا
مش عارفه ليه انت اخدتها على محمل حكومى
وتانى بقلك مش عيب ولا حرام الواحد يتكلم فى السياسه لان دا حق اى واحد قلبه على البلد واكيد زى ما فى حجاتات وحشه فى حاجات كويسه
عموما دى وجهة نظرك وانا احترمها
تحياتى وشرفت المدونه بتعليقاتك
Mohamed A. Ghaffar
------------------
ميتم بس مش عارفين هينفض امتى
نورت المدونه اكيد واتمنى ماتونش الاخيره
barbie girl
-------------
احب ارحب بيكي
واحنا ماحليتناش غير الكلمتين دول
حضارة مصر ال 7000 سنه
وويلكم ان ايجيبت
يارب نتعلم اكتر من كدا
تحياتى
جذبتني الصورة لأسباب مختلفة عما ذكرته
جذبتني بسبب ملامح الطيبة في وجه العجوز
نفس الطيبة التي نلمسها في خواجات مصر
في وجه ياني اليوناني حلاق الإسكندرية الذي يصر على أنه إسكندراني أبا عن جد
في وجه نيري الأرمنية التي تعتبر كل الشباب المصريين أولادها
طيبة نجدها في وجوه الخواجات في أفلام الأبيض والأسود ونفتقدها اليوم في الوجوه القبيحة لبوش وكوندليزا رايس
هى صورة معبرة
أنا معاكي أما عن حال البلد
فربنا يستر
والله المستعان
مدونتك حلوة أوى
ربنا يوفقك
تحيااتي
السلام عليكم
فعلاً والله معاكي حق
شكلنا وحش أوي
ياريتنا حتى زي الخواجه دا
السلام عليكم
تعبر مظبوط ةجدا
يارب نفهم بقى
اسفى
وتحياتى
ايمان
بشكرك اولا ان زيارتك لمدونتى خلتنى اتعرف على شخصك و مدونتك اللى واضح انهم اجمل من بعض
و بعدين الصورة دى حقيقى فعلا شبهنا جدا..جدا..يمكن لان اولا شر البلية ما يضحك و ثانيا احنا لا عمرنا هانبقة عواجيز الفرح ولا اصحابة ولا حتى الناس المعدية برة القاعة اللى جايز تلحقلها حتة تورتة ولا باكيت عشا فى الخباثة من غير ما حد ياخد بالة
بشكرك جدا على الفرصة الجميلة دى
سلام مؤقت
فلسفة جامدة
ووجهة نظرك صح أوووى
عملنا زى الغراب اللى نصه طاووس
*****
تقبّلى مرورى وتحياتى
الخواجه دى بقينا بنحاول نقلده سوا عجوز ولا حتى شاب
بقينا من غير هويه بنقلد وخلاص
تلاقى الشاب من دول لابسلك تى شيرت واسع جلابيه ولا مش عارف شوال ومعلق السلسه والبنطلون واقع لحد ركبته والبرنيطه اللى معوجه وماشى يهز
ياحليل امه الننوس
حاجه تفرس كل ده علشان يقلد النيجر اللى كانوا بيضربوا بالجزم ف امري\كا من 30 سنه بس
دلوقتى بقوا قدوه
ولا النبت مش عارف بدى ايه ولا ستوماك ايه والميكرو وازعبوط ووحاجات تشيب الواحد
وهما من جوا فاضييين
نيجى بقه لعواجيز الفحر
ياه قد ايه التشبيه ده حلو قوى
احنا فعلا عواجيز الدنيا هدت وكسرت عظمنا
بقينا عواجيز
وم الفرح معدومين
نفسنا نولد الفرح ونميه ونعيش الشبابا فيه
ع العموم
جميل انك فتحتيلى مساحه للكلام
جميل البوست
رائعه المدونه
هاخد لفه وارد هناك
سلاموو
جيتى على الجرح لكن برضه تسلم ايدك
http://newegyption.blogsome.com/
نبقه اصحاب الفرح
لما نفض التراب من على هدومنا
ونرمي السيجار
ونشيل البرنيطه
ونلبس هدوم محترمه نضيفه بسيطه من توبنا
ونرجع لثقافتنا باصلتها ونقرا تاريخنا بحلوه ومره
ونتعلم من اللي فات
ونترجم دا لعلم وفن راقي وتعليم جيد وحرية ...
أحيكي على البوست موجز وفي العضل
حمد الله على السلامه يا احلى ايمى ايوه كده منوره البلوجات كلها والله وحشتينى ووحشنى زيارتك لمدونتى طولتى الغيبه بجد بس موضوع البوست دا لذيذ جدا وبيعكس واقع الشباب المصرى دلوقتى اللى بيقلد الغرب عمال على بطال تقليد اعمى مع اننى لينا شخصيتنا المستقله اللى نفخر بيها وصعب على اى حد مش مصرى انه يقلدها احنا العراقه برضه ولا ايه دايما ارائك فى الجول ودايما تمتعينا بأفتكساتك العجيبه
خالص تحياتى يا قمر
لما نلاقي عريس وعروسة نعمل بيهم فرح
حلو التعليق على الصورة .. خواجةعليه تراب .
كل الود
ya fandem ana ma3aky 100% after living here in the state for a while i find that in egypt we enjoy ;life and wait our time in fun and real life is not what we have in egypt we just tring 2 be americans in the way we speak or the way we eat even in our clothes but we r nothing
keep going i like ur post alot
peace out
فيه ايه يا ايمان
انت فهمتى كلامى غلط
انا كل الكلام اللى قلته فى اول التعليق ده كان تهريج مش اكتر
اسف اذا كان كلامى وصلك غلط
سلام
alzaher
--------
ممكن فعلا تشوفها بعين تانيه
وجهة نظر برضه
شكرا لمرورك الكريم اوتمنى متكونش الاخيره
Salwa
--------
اشكرك جدا ياسلوى واكيد انتى كمان رقيقه زى كلامك
نورتى
alaa salim
------------
اشكرك على مرورك الدائم
تحياتى
mohamed
--------
يارب نفهم
نورت المدونه
teba
------
والله كلامك حلو اوى
واكيد شرفتينى كمان وبتعليقك وزيارتك
تصدقى نسيت موضوع بكتةة السجاير دى
ههههههه
تحياتى
sagittarus
-----------
صدقت فى كل كلمه كتبتها والله
واخر الكلام لتعليقك كان كمان حلو معبر
تنور المدونه فى اى وقت
المدونه مدونتك
Mask
-------
انا مبسوطه ان اد كدا البوست عجبك فعلا
وحلوه اوى فكرة نرجع لثقافتنا الجميله اللى نابعه مننا احنا
اشكرك جدااااا
نورت
newegyption
-----------
وتسلم ايديكى على التعليق
تحياتى
haneen
--------
ههههههههه حلوه اوى افتكاساتك العجيبه دى
والله انتى مش تتصورى انا بنبسط اد ايه لما تعلقي على بوستاتى وببقى مستنياها فعلا
ربنا يكرمك يارب ياقمر
princess dodo
---------------
الغراب اللى نصه طااووس
برضه تمشى وجهة نظر
اشكرك على تعليقك الكريم
نورت
محمدالعدوى
--------
اشكرك على كلامك واتمنى ان كل مواضيعى تمسكو وتعجبكو كمان
تحياتى
Saso
-----
im soo happy cos u wrote important words
about we try to foregt our history and we are arab peoble
i dont know why!!
im really pleasur about ur comment saso
and i hope that will be not the finall visit
salam
ابو سويلم
--------
انا بعتذر اذا دا ماكانش قصدك وانى فهمت غلط
ولكن حتى لو دا قصدك دا فى الاخر وجهة نظر وانا لااازم احترمها
عموما مقبوله منك وانت برضه صاحب مدونه
تحياتى
والله انتى بتتكلمى صح احنا عندنا عقده الخواجه الى مش عايزه تروح فو كل حاجه
حلوه قوى الموضوع ده وبشكرك انك اتكلمتى فيه لانه دلوفتى بجد هى دى السلعه المستخدمه فى هذا الزمن واتمناك التوفيق الى الامام
إرسال تعليق