جوايا بتامل سحرك .... ياشمسى ياشمس الغروب
لاخر نفس فيا هجيلك .... تهونى عليا كل الدروب
ياشمس الغروب
غيابك عنى امل مجروح .... وقربك منى مسك بيفوح
حنان حنينك دوا .... يطيب الجسد والروح
ياشمس الغروب
عشق الوانك ليكي .... تعشقها عينى وتسرح
والنخل تحتك يراضيكي .... ولهان بسهمك مجروح
ياشمس الغروب
نيلك يتروى بضيك .... مغزول بطيفك السارى
ماتحرميش عشاقك منك .... محروم اللى بحبك مش دارى
ياشمس الغروب
هناك ٦١ تعليقًا:
ذاك المنظر البديع ، وقت الغروب .. وقت ان نفارق الشمس وهي تتوارى خجلاً تحت ستار الظلام، جميل ما وصفت ،وجميل اختيار اللحظة
...فهي لحظة حين نبصرها يخفق القلب دون سبب او ربما لسبب لا نريد البوح به...
دمت بكل ود..
خالص تحياتي
السلام عليكم ورحة الله وبركاته
جميل جدا يا ايمان
واكثر من رائع
وعجبنى اوى البيتين الاخيرين
نيلك يتروى بضيك .... مغزول بطيفك السارى
ماتحرميش عشاقك منك .... محروم اللى بحبك مش دارى
انا فى انتظار المزيد من روائعك
فلا تحرمينا من ابداعك
تحيتى للجميع
ما شاء الله
بصراحة إدراج ممتاز
وكلمات رائعة سلمت يداك أختى الكريمة
بعد السلام عليكم
أزيك ياإيمان ؟
عاملة أيه ؟
أتمني أنك تكونى بخير وبأحسن حال دايما
معلش زمانك دلوقتى بتقولى عليا
منين كان بيستعجلنى أني اكتب .. ومنين أنه ماعبرناش و مقصر كده
معلش بقي أنا أسف علي التأخير والتقصير ده كمان
وبجد أنا بأشكرك جدا
رغم تقصيري ده .. اللي انك دائمة المتابعة لمدونتى ودائمة السؤال علي غيابي
بخصوص البوست بقي
ماشاء الله عليكي
موهبتك جميلة
امتعتيني بالكلمات الجميلة والأوزان الرائعة
فعلا
ماأجمل لحظات الغروب
تحياتي
انا اول مرة اجى هنا بس بجد جميله تسلم ايدك
انت فنانه موهبه
انا من اكتر الاوقات التى اشعر بيها مع نفسى وقت الغروب على شاطى اسكندرية
osama
------
كلامك حلو اوى كمان
بجد بشكرك عليه
امير الحب
--------
الف شكر ليك
ويارب يقوينى
الحشرى
-----
وانا يشرفنى انك قريته
تحياتى ليك
ابو صلاح
-------
ياباشا انت تامرنى بس كدا
وبجد نورت المدونه من تانى
محمد على ....هى كدا
---------------
وانا بشكرك
ويابخت اهالى اسكندريه
أنا بحب الغروب جدا
وبحب الليل بحس انه فيه شوية حزن وشجن كده منى
البوست رائع
تحياتى
السلام عليكم
حلو كلامك اووى
وانا كمان بمووت في شمس وهى بتغرب
ومنظرها الرائع
وخاصة لو بتغرب وانتى قاعدة ادام بحر
حتلاقيها بتختفي في البحر بطريقة رائعة
سبحان الله
*****
حلو اوى اووى بنت مصرية
سلاماتي
3ala asm masr
---------------
اكيد طالما بتحبى الغروب والشجن تبقى انسانه حساسه جدا
وميرسي على تعليقك ياجميل
mesh2dra
----------
ميرسي ليكي ياقمر
ومبسوطه ان بنت مصريه كمان عجبتك
حقيقى
من اجمل ما قد ترى عين الانسان هو منظر الغروب
انا لما باتامل احيانا فى الشمس وهى تغرب
اشعر باحاسيس غريبة متداخلة رغم انها قد تكون رمز لغروب شمس عمر الانسان الا انها بتوحى بالامل فى شروق جديد مقبل ينتظره الانسان بفارغ الصبر
تدوينة جميلة
ومدونة جميلة جدا وغاية فى الرقة
سلام
جميله قوى يا ايمان انتى دايما حساسه ورقيقه ساعة الغروب دى ساعة تجلى ذى ما بيقولوا انا بعشقها وبحس وانا قاعده على النيل انى بسمع اغنيه الرائعه ام كلثوم " شمس الاصيل" هى دى نسمة العليل وصوت مصر
احيكى على الصوره الشعريه الجميله
كل الحب
والله انتى اللى كلك احساس
العواف
والله انا معلق قبل كده بس مش عارف تعليقى فين
المهم نعلق تانى وبصراحه البوست من جماله المفروض نعلقله كتير
بصراحه وصفك كان اكتر من رائع واسلوك كان امتع
وانا بحب الغروب اوى وخصوصا من على اللسان عندنا فى راس البر بس انا رغم عشقى للغروب مبحبش الليل
احييك على البوست الرائع دا
ومستنيك تنور المدونه بزيارتك
ابو سويلم
-----------
ربنا يجزيك خير على كلامك الحلو دا
وبجد شرفتنى
3ala asm masr
------------
بجد مش عارفه اقلك ايه
بس ربنا يكرمك ويوفقك
وانا مبسوطه انى كسبت حد زيك
سى السيد
---------
اولا اشكرك على كلامك الجميل دا
ثانيا ياسيدى زيادة الخير خيرين
ثالثا بقى يابختك ياعم انك فى راس البر
دا طبعا من غير نق
بجد شرفتنى يا سي السيد
واكيد هزورك
الى ايمى الجميله خالص
ايه العباره اول مره احس انى اتأنطرت طبعا اللفظ دا غريب عليكى ما علينا بس بجد فى ايه انتى متعمده التجاهل دا والا انتى زعلانه منى ولا ايه انا ما قدرشى على زعلك ابدا بجد لو فى حاجه قوليلى علشان اصالحك
سلام يا عسل
السلام عليكم و رحمه الله و بركاته
المدونه بتاعتك حلوه اوى و ان شاء الله مش هتكون اخر زياره ليا
بالمناسبه انا كتبت بوست جديد عايزك تشرفينى و تقولى لى رأيك
haneen
----------
لا والله ابدا بالعكس ربنا يعلم انك من اقرب المدونات والاشخاص ليا ياحنين
انا بس اكيد كنت مستعجله وما اخدتش بالى
انا ابدا ما ازعل منك ياقمرى
chico
-------
نورتنى اكيد
واكيد طبعا هزور مدونتك
تحياتى ليك
العزيزة حبة حاجات
اشكرك على الزيارة والتواصل الجميل
حسنا..همممم.. يعني اقدر اقول تجارة على جرافيكس على شعر.. حلوه التشكيلة المعرفية الخاصة بكي..وأكاد ارى قدراتك على كتابة الأغنية
كما ارى توجهاتك السياسية المختلفة
مرحبا بصديق جديد يعتنى برأسه جيدا..
خالص تحياتي واحترامي
Zain
------
اشكرك جدااا
وتحياتى ليك كمان وشرفتنى برايك
من اطيب واروق اللحظات الى قلبى
الشروق والمغيب
لذلك اطربتنى كلماتك
لكى خالص تحياتى
مش غريبة تكتبى للغروب بكل الحب والحماس ده والناس فكرتها عن الغروب حزينة انا كمان بحب الغروب بس برضه بحبه بحزن
الشمس اه صحيح بتغرب
لكن دايما عارفين ان لينا ميعاد مع شروقها
وبنستناه
مبدعة انتي كعادتتك بعذب كلمتك
واتمني لقلمك الرائع
شروقا بلا شمس الغروب
Desert cat
------------
اشكرك واتمنى ان تكون كلماتى فعلا عبرت ولو جزء عن احساسى
تحياتى ليك
المصرى الجديد
------------
انا يمكن بشوف ان لكل حاجه زاويتين
وبميل اكتر للتفاؤل
عموما برضه حلو اننا كلنا على الاقل مجتمعين على الاعجاب والتامل فى سحر الغروب
نورتنى بجد
بنت الاسلام
------------
تسلميلى على كلامك المبدع دا
ويارب اكون دايما عند حسن ظنك بي
eshtat
اجمل واجمل بقي الغروب في اسكندريه علي البحر اما تحسي ان الشمس قربت اوي من البحر بلون تحفه بجد مهما وصفت مش هوصلك جمال اللون وانتي واقفه والبحر عمال بيخبط فيكي بجد اجمل احساس
مرسي يا ايمي بجد فكرتيني باجمل واحلي ايام
خالتك فرنسا بتمسى
وتصبح كمان
ماروع سحر الغروب
وما احسن اختيارك للصوره المعبره عن احساسك
والنخل تحتك يراضيكي .... ولهان بسهمك مجروح
الله عليكى
شمس الاصيل
من الاشياء التى لا يخالف على حبها اثنين
يا لروعة الخالق
منظر الغروب من اجمل المناظر الطبعية اللى بحب اشوفها ديما
كلمات جميلة
ربنا يوفقك
تحياتى
eshtat
---------
انا مبسوطه اكتر انى فكرتك بذكريات حلوه
دايما منورانى والله
فرنسا هانم
----------
اتمنى انها تكون نالت رضاكى انتى بس تامرى
دا اتى فرنسا هانم برضه والمقامات محفوظه
الطائر الحزين
--------------
عندك حق فى حاجات فى الدنيا ربنا خلقها لايمكن يتخلفو عليها اتنين واللى علينا اننا بس على الااقل نتاملها
نورتنى
tamer napil
----------
ربنا يجزيك خير واكيد اتمنى انك تشرفنى على طول
ايمان انا اللى بجد مبسوطه بصداقتك وتقدر تضيفى الايميل بتاعى لو تحبى طبعا
وتعليقاتك بتنور مدونتى
وعلى فكره انا كنت رديت عليكى عندى وقلتلك انه يزدنى شرف انك تضيفى اللينك بتاعى
واتمنى يدوم التواصل بينا
تحياتى يا قمر
3ala asm masr
---------------ربنا يباركلى فيكي يارب
وخلتص ان شاء الله استنى اضافه منى عندك
السلام عليكم
اهنيكى على الكلام الجميل
فعلا ما اجمل الغروب
الذى يوحى بالتفاؤل وليس التشاؤم
نعم يموت يوم ولكن يكون هناك يوم جديد
فانا اعتبرة لحظة حياة وليست لحظة موت
تحياتى
على فكرة انا اسمع ناس كتير بتحب الشروق بس بصراحة انا بحب الغروب اكتر بكتييير
بلاقي فيه حكمة موصلهاش الشروق
ومتعة غريبة مبيديهاليش الشروق
البوست رقيقي ولذيذ
وبنت مصرية كمان عجبني
كلمات فعلا رقيقة جدا و رائعة واضح ان احنا هنتقابل في نقطة و هنزور بعض كتير
تحياتي
لمست شغاف نفسي لاني من عشاق لحظات الغروب و الشروق...و كنت من هواة تصوير تلك اللحظات التي ثبتت إيماني
و رققت وجداني...
أيضا من الاشياء التي استفدتها من الشروق و الغروب ان دوام الحال من المحال و أن التغيير سنة الله في خلقه.
تحياتي
mohamed
---------
اشكرك
وفعلا حلو اوى تعبير ان الغروب لحظة تفاؤل مش تشاؤم
نورت
احمد سلامه
----------
اشكرك جداا ومبسوطة كمان انك حبيت بنت مصريه
ويا اهلا بيك
shams
--------
اكيد ياشمس ان شاء الله واتمنى اننا نكون اصدقاء
نورتينى
الربان
-------
ودى حكمة ربنا فى خلق وتتابع الشروق والغروب
وانا كمان عندى هواية التصوير جداا
وفعلا بلاقى فيها متعه كبيره
تحياتى ليك
الربان
-------
ودى حكمة ربنا فى خلق وتتابع الشروق والغروب
وانا كمان عندى هواية التصوير جداا
وفعلا بلاقى فيها متعه كبيره
تحياتى ليك
مستنين الجديد
محمد على ... هى كده
--------
حاضر
السلام عليكم
مررت على مدونتك الجميله وأعجبتني جداً
كتاباتك متميزه وأسلوبك متميز
alaa salem
-----------
اشكرك جدا واتمنى انها ماتكونش اخر زياره
مش بقولك انتي حكاية
عظة على عظمة على عظمة
شفافية جميلة قوي في كل أعمالك الشعرية
ودي برضة بتفكرني بكلمات قديمة لي
بتقول
غروب غروب
وأنا في طريقي بين الدروب
يجي القدر والمكتوب
ويرسم في القلوب
شكل الهروب
واروح أدور عالمحبوب
اقبل ما أدوب في الغروب
غروب غروب
مش قادر اقولك غير الله عليكي ايه الكلام الجامد دة واتمني منك زيارة لمدونتي المتواضعة
صورتى مشهد الغروب فأبدعتى حقا فى تصويره
قليل هم من يتغنون بالطبيعه ويحسون بجمالها وينظمون قصائدا فى سحرها
خليكى ف اللون ده ده هيديكى تميز رائع
فكل الاقلام الآن اتجهت الى الحب والنفس وصراعاتها
وتركوا الطبيعه
دام لنا سحر قلمك
سلاموو
وبردو متابع
بجد بجد ؟؟؟
أنا كسبت كتيــــر جدا لما جيت هنا
إنتي جميلة أوي
: )
فعلا..كلماتك ناعمة وهادية
معبرة جدا
صح لسانك
منى
الله على الاحساس الدافىء الصادق بجد مليانه رقه وعذوبه فى الاحساس
إرسال تعليق