بعيونها العسليه .... وخدودها الورديه
دى بنت مصريه
تعرفها من طيبة قلبها .... وحنيتها اللى مفيش زيها
تتمناها ام لك وحبيبه .... وقت الدمع تلاقيها لك قريبه
دى بنت مصريه
ابتسامه بريئه تحليها .... وكلمة حلوه تبهيها
ياهناك ياللى ترضيها .... ويا ندمك ياللى تجافيها
دى بنت مصريه
نقطة ضعفها قلبها .... لو ملكته ملكتها
نظرة غضب تكسر نفسها .... وتزيدها هم على همها
دى بنت مصريه
عالرضا ربوها ابوها وامها .... دور عليها دى السعاده عندها
دى بنت مصريه
هناك ٢٢ تعليقًا:
كلمات جميله ورائعه .. وبصراحه اجدتى فى وصف البنت المصريه بجد .. تسلمى على الجمال اللى بتقدمهولنا فى كل بوست جديد .. تحيتى ليكى ولكل اصدقاء المدونة
تحفة بجد
ما شاء الله
وصف صريح
ومريح
للبنت المصرية
اتمني تقبليني ضيفة تقيلة عندك في مدونتك
وانسي المثل الي بيقول
يابخت من زار
وخفف
Please!
Send an email to the Brazil embassj your country and repor the injustice that the brazilian courts are making with this girl
Release on Flavia’s accident and status of the process.
The resignation is to stop the evolution. (David Santos in times without end)
Thank you
السلام عليكم
اول مرة يسعدنى حظى واتشرف بزيارة مدونتك
قرأت اكتر من بوست ع السريع كدة
موضوعاتك حلوة
وتعليقاتك كمان
والصورة فى آخر بوست تجنن
تحياتى
سلام
الله عليكى يا ايمان ايوه كده خلينا نفخر بروحنا قوليلهم والنبى اللى مش مقدرين الحلاوه دى كلها اشكرك قوى على زيارة مدونتى المتواضعه ومعلشى انى ما علقتش ع البوست اللى فات بس انا بدعوكى تشوفى النيو لوك للمدونه وتقولى رايك فى البوست الجديد
اتمنى لك التوفيق والسعاده
امير الحب
---------
والله ما عارفه اقلك ايه على كلامك الحلو دا بس دا اقل بكتيييير اوى من وصف البنت المصريه
وربنا يوفقك
بنت الاسلام
-------------
والله نورتينى ياقمر
وبالعكس انتى شرفتى مدونتى وشكرا على كلامك الرقيق
david santos
-------------
قلبى معاك
sa7arkash
-----------
نورت المدونه
وكويس جدا ان الصوره عجبتك تخيل لو الاصل بقى
نورتنى
haneen
--------
شكرا ليكى بجد ياحنين واحنا فعلا محتاجين اللى يفكرنا دايما بان لسه والله فى امل ومش كل البنات المصريات وحشين يعنى
واكيد هزور مدونتك
تحياتى ليكي يا جميل
حلوة قوى الكلمات دي
حلوة بجد
تحياتى لقلمك
الملاح التائه
---------
وتحياتى ليك كمان وشكرا على كلامك
في بسساطة وعفوية الكلمات كمن السر ...
جميل وشفاف..
دمت بكل ود..
خالص تحياتي
جميله وتلقائيه جدا
عجبتني كلمتك !!!ليس الجمال فى ما تراه ولكن الجمال فى الذي لم تراه بعد
أشرحي من فضلك!!
osama
-------
اشكرك يا اسامه
sabrina
-------
ميرسي ليكى جدا
و !!!ليس الجمال فى ما تراه ولكن الجمال فى الذي لم تراه بعد
معناها اننا مانفتكرش ان كل حاجه حلوه بنشوفها وعدت انها خلاص مش هتيجي تانى
يعنى ... دعوه للتفاؤل شويه
بشكرك مره تانيه
امايه يا امه شدى الضفاير شدى ربطها عصدينى لو قدره يامه تقيديها قيديها وقيدينى
كلمات كوثر مصطفى غناء حنان ماضى
اول مقريت اول بيتين افتكرت الاغنيه دى جدا
وافتكرت اغنيه بنات لمحمد منير لنفس الكاتبه
فى القصيده دى انتى عملتى كتالوج للبنت المصريه المفروض يقراءه اى ولد مصرى
رئيس جمهورية نفسى
----------------
ياااااااااااا اوانا بس اجى جمب دول ايه
وعموما البنت المصريه الاصيله مش محتاجه حد يتكلم عنها
وشكرا ليك
كل شغلك حلو
ووأحلى ما فيها بساطتها
وكلماتها عفوية سلسة
بساطتها من بساطة بنت البلد
فكرتيني باغنية لي من زمان
بتقول
مصرية أنا مصرية
مصرية بنت مصرية
سمره وسمار لوني
من لون بلدي وخمرية
انا بنت النيل الصافي
وقلب ناسه الصافي
انا بكتب على ورق البردي
اسم حبيبي وحكايتي
امي وأبويا مصريين
وولاد بلدي عشريين
أنا بنت زرعة أرضنا
وسما بلدي حنينة
ولا دنيا تانيه تخليني
امشي وأبعد عن هنا
مصرية أنا مصرية
مصرية بنت مصرية
حقيقي سعيد بتواجدي معك هنا
معرفش ليه حبيت الصورة
والبوست
وحسيته أنه قريب قوي مني
هو والصورة
ايوووووووووووه ع البنت المصريه
بجد وفيتى وكفيتى يعنى وصف وكلمات ولا احلى
إرسال تعليق