عايشه ليك وبيك وعشانك
عايشه برحمتك ومغفرتك وغفرانك
خلقتلى نور من نورك يحرسنى ويبعد عنى الاذى
خلقتلى كل النعم وما باقى عليا غير شكرك وحمدك
بحس بيك اوقات كتير ... واوقات تانيه تملكنى الغفله
بادعوك يانور ... تفوقنى وتصحى فيا الضمير
بادعوك يارحمن ... ترحمنى من نفسى وشرها
بادعوك يا كريم ... تكرمنى بالعطاء من غير مقابل
بادعوك يا رزاق ... ترزقنى الامل
بادعوك يا ملك ... تجعلنى مؤمنه مخلصه
بادعوك ياقريب ... تقربنى منك وتهدينى
بادعوك ياحنان ... تحن عليا وتقبلنى عندك
بادعوك ياخالق ... انك تمن عليا بتامل جمالك
بادعوك يابديع ... انك ماتحرمنيش من النظر لمعجزاتك
بترجاك ياقوى ياجبار انك تثبتنى وتقوينى
بترجالك ياصبور انك تصبر عليا وتهدينى
يـــارب رخص فى عنيا كل شيئ فيه غضب ليك
وغلى فى عنيا كل شيئ فيه رضا ليك
يــــــــــــــــــــــــــــارب
عايشه ليك وبيك وعشانك
عايشه برحمتك ومغفرتك وغفرانك
هناك ١٠ تعليقات:
امين يارب العالمين
بعد السلام عليكم
الله .. الله علي الكلام الجميل ده
اللهم امين يارب العالمين
اللهم تقبل منك ومنا
تحياتي
بجد الله على الكلام الجميل ده
ويارب يستجيب لدعائك
لآنه دعاء شامل حاجات كتير
جزاكى الله كل خير ويارب الهدايه للجميع
تحياتى
مهبول ومهبوله
######
اللهم امين جميعا
------------------------
abo-salah
######
يارب جميعا باذن الله
------------------------
حياة الاحلام
######
ميرسي ليكى جدا وعلى كلامك دا ويارب يستجيب
السلام عليكم
ازيك ياايمان
كلامك روعة واحساسك بيه اكيد احلى وأجمل
التقرب الى الله أجمل بكتير
والتضرع ليه أفل بكتير
طلب الرحمة والمغفرة بيكون أجمل وانتى بتتذلي لله عزوجل
كلامك بجد جميل
شكرا ليكى وزاكى كل خير
بالنسبة للمدونات اللى انتى عاوزة تضفيها عندك فى المدونة انا مش عارفة مدونتك من النوع القديم ولا الجديد
بس تقريبا كده من القديم
ياريت تقوليلى عشان اقدر اساعدك
وكمان الافضل انك تدخلى منتدى المدونين العرب وتشتركى فيه وانا وكل الناس اللى فيه هنكون معاكى ان شاء الله فى اى سؤال هتسأليه
واللينك اهوه
http://www.blogs4arab.com/Forums/
واحنا تحت أمرك
ويارب نعرف نفيدك ان شاء الله
بعد السلام عليكم
أيه ياإيمان أنت فينك يابنتي ، يالا بقي عايزين نشوف بوستاتك الجامدة
أوعي تكوني بتتقلي علينا ، ولو مشغولة ربنا يعينك
و أبقي طمنينا عليكي
كل سنة و أنتي طيبة
عاشقه للوطن
----------
جزاكى الله خير على معلوماتك الطيبه
وربنا يكرمك على كلامك الحلو بس دا طبعا اقل حاجه عندى
ههههههه
تحياتى ليكى
ابو صلاح
---------
وانا اقدر برضه اتقل
بس والله كانت ظروف وراحت لحالها
ربنا يخليك للشعب يارب
حلو كتير..مناجاه ربنا..
عاجبانى لدرجه انى مش عارف اقتبس منها ايه ولا ايه
هى كلها حلوه بجد
سلمت يداكى
وجزاكى اله كل الخير على تذكيرنا بنعم الله سبحانه وتعالى علينا
..
أجدها فرصه لأسجل إعجابى ب بوست يا بختك بتاع الجلابيه والصياد والعصايه للى نروض بيها أفكارنا الشارده
حلو قوى
قوى
قوى
وفكره عالى
مش بقولك فى تميز فى كتابك
خارجه من دايره الحب والصراعات النفسيه
وبتكتبى للحياه والروحانيات والرومانسيه والشمس واكيد ف عن القمر والشجر
والنيل
لا جو رومانسى جبار
استمرى
ربنا معاكى ويزيدك من فضله دايما
آمين
يـــارب رخص فى عنيا كل شيئ فيه غضب ليك
وغلى فى عنيا كل شيئ فيه رضا ليك
يارب اللهم امين
إرسال تعليق